تربت: ڈائریکٹر کالجز پروفیسر محمد حسین بلوچ کا گورنمنٹ عطا شاد ڈگری کالج کا دورہ

تربت: ڈائریکٹر کالجز، محکمہ ہائر اینڈ ٹیکنیکل ایجوکیشن بلوچستان، پروفیسر محمد حسین بلوچ نے ڈویژنل ڈائریکٹر کالجز مکران پروفیسر برکت اسماعیل بلوچ کے ہمراہ گورنمنٹ عطا شاد ڈگری کالج تربت کا دورہ کیا۔

اس موقع پر کالج کے پرنسپل پروفیسر ظہیر احمد نے معزز افسران کا استقبال کیا اور انہیں کالج کی تدریسی و تعلیمی سرگرمیوں، نصابی امور اور تعلیمی عمل کے تسلسل کے حوالے سے بریفنگ دی۔

دورے کے دوران ڈائریکٹر کالجز نے کالج کے مختلف کلاس رومز کا معائنہ کیا اور طلبہ و اساتذہ سے ملاقات کی۔ انہوں نے طلبہ کی تعلیمی پیش رفت، تدریسی عمل اور درس و تدریس سے متعلق سرگرمیوں کے بارے میں معلومات حاصل کیں۔

بعد ازاں ڈائریکٹر کالجز بلوچستان پروفیسر محمد حسین بلوچ اور ڈویژنل ڈائریکٹر کالجز مکران پروفیسر برکت اسماعیل بلوچ نے کالج کے تدریسی و غیر تدریسی عملے کے ساتھ ایک اجلاس منعقد کیا، جس میں ادارے کی تعلیمی سرگرمیوں اور تدریسی عمل کے تسلسل کا جائزہ لیا گیا۔ معزز افسران نے کالج میں تعلیمی سرگرمیوں کے تسلسل اور تدریسی عمل میں عملے کی مصروفیت کو سراہا۔

اس دورے کا مقصد ادارے کی تعلیمی سرگرمیوں کا جائزہ لینا اور تدریسی عمل کے معیار و تسلسل کے حوالے سے صورتِ حال سے آگاہی حاصل کرنا تھا۔

تصویر: بشکریہ ڈی جی پی آر بلوچستان