گوادر فٹبال چیمپئن شپ: ینگ بلوچ اور گزروان یونائیٹڈ کامیاب، آٹھواں روز

گوادر: 26 اکتوبر کو ادارہ ترقیات گوادر (GDA) کے ڈائریکٹر جنرل معین الرحمٰن خان اور چیئرمین ضلع کونسل گوادر شئے مختار کے تعاون سے ڈسٹرکٹ فٹبال ایسوسی ایشن (DFA) گوادر کے صدر میر ارشد کلمتی کی زیرِ اہتمام جاری ڈسٹرکٹ جنرل لیگ فٹبال چیمپئن شپ 2026 کے آٹھویں روز دو مقابلے کھیلے گئے۔

ان مقابلوں میں ینگ بلوچ فٹبال کلب اور گزروان یونائیٹڈ فٹبال کلب نے کامیابی حاصل کی۔ پہلے میچ میں ینگ بلوچ فٹبال کلب نے ینگ جان فٹبال کلب کو ایک صفر سے شکست دی۔

جبکہ دوسرے مقابلے میں گزروان یونائیٹڈ فٹبال کلب نے عمدہ کھیل کا مظاہرہ کرتے ہوئے ظہور شاہ فٹبال کلب کو تین صفر سے ہرا دیا۔

میچوں میں ریفری اور معاون عملے کے فرائض ایوب محمد، خالد شمے، واحد حاجی، واجد حیات، کامران اصغر اور شازمان نے انجام دیے، جبکہ ٹورنامنٹ کمشنر ماسٹر اصغر بابو اور اسسٹنٹ میچ کمشنر محمد شریف شاید بھی ذمہ داریاں نبھاتے رہے۔

یہ چیمپئن شپ گوادر میں فٹبال کے فروغ، نوجوان کھلاڑیوں کو اپنی صلاحیتیں منوانے کے مواقع فراہم کرنے اور صحت مند کھیلوں کی سرگرمیوں کے ذریعے مثبت معاشرتی رجحانات کو تقویت دینا ہے۔

تصویر: بشکریہ ڈی جی پی آر بلوچستان