بیرسٹر گوہر: سیاسی تناؤ ختم ہونا چاہیے، بانی پی ٹی آئی کی صحت پر تشویش

اسلام آباد: چیئرمین پی ٹی آئی بیرسٹر گوہر نے کہا ہے کہ ملک میں سیاسی تناؤ مزید نہیں بڑھنا چاہیے اور اب یہ سلسلہ ختم ہونا چاہیے۔

اسلام آباد میں میڈیا سے گفتگو کرتے ہوئے بیرسٹر گوہر نے کہا کہ بیرسٹر سلمان صفدر کی بانی سے ایک ملاقات تو ہوگئی ہے، عمران خان کی صحت اور کیسز سے متعلق کچھ ہدایات ملی ہیں۔

انہوں نے کہا کہ بانی پی ٹی آئی کی صحت سے متعلق اطلاعات حوصلہ افزا نہیں، پوری قوم کو تشویش ہے۔

چیئرمین پی ٹی آئی کا کہنا تھا کہ ارکان اسمبلی، کارکنوں اور سپورٹرز کو اٹھانے کا سلسلہ بند ہونا چاہیے، بانی پی ٹی آئی کی اسپتال منتقلی اور علاج سے متعلق فیصلہ کیا جائے اور ان کی بہنوں کو فوری رہا کیا جائے۔

بیرسٹر گوہر نے سپریم کورٹ میں 18 اگست کے عدالتی حکم پر عملدرآمد کی درخواست بھی کی ہے۔