ایران سے مذاکرات کی بحالی: جے ڈی وینس کی ذاتی کوششیں، قطر اور پاکستان سے مسلسل رابطے

واشنگٹن: امریکی نیوز ویب سائٹ نے باخبر دو ذرائع کا حوالہ دیتے ہوئے بتایا ہے کہ امریکی نائب صدر جے ڈی وینس گزشتہ دو ہفتوں سے ذاتی طور پر ایران کے ساتھ بالواسطہ مذاکرات میں شامل ہیں۔

ان مذاکرات کا مقصد ایک نئی جنگ بندی تک پہنچنا اور جوہری مذاکرات کو بحال کرنا ہے۔

ویب سائٹ کے مطابق جے ڈی وینس کی ان مذاکرات میں گہری شمولیت ظاہر کرتی ہے کہ انہوں نے امریکا کو اس تنازع سے نکالنے کی ذمہ داری خود اپنے کندھوں پر لے لی ہے۔

ذرائع کے مطابق نائب صدر جے ڈی وینس ایران کے ساتھ ان مذاکرات کے حوالے سے قطری وزیراعظم شیخ محمد بن عبدالرحمن الثانی، پاکستان کے چیف آف آرمی اسٹاف فیلڈ مارشل عاصم منیر اور دیگر ثالثوں کے ساتھ تقریباً روزانہ کی بنیاد پر رابطے اور بات چیت کر رہے ہیں۔