افغان مذاکرات: امریکی وزیر خارجہ کے بیان کا پاکستان کی جانب سے خیرمقدم

اسلام آباد: ترجمان دفتر خارجہ نے امریکی وزیر خارجہ کے بیان کا خیرمقدم کیا ہے۔

ترجمان نے کہا کہ پاکستان افغانستان کے ساتھ مذاکرات میں سہولت کاری کے لیے امریکا سمیت تمام دوست ممالک کی مخلصانہ کوششوں کا خیرمقدم کرے گا۔

وفاقی دارالحکومت سے جاری بیان کے مطابق بامعنی مذاکرات کے لیے ضروری ہے کہ افغان طالبان حکام اس بات کا واضح عزم کریں کہ وہ اپنی سرزمین سے سرگرم دہشت گرد گروہوں کے خلاف ٹھوس کارروائیاں کریں گے۔