سیوی: کمشنر عرفان اللہ خان کو محکمہ کموڈیٹی مینجمنٹ کی کارکردگی پر بریفنگ

سیوی: کمشنر سیوی ڈویژن عرفان اللہ خان کو محکمہ کموڈیٹی مینجمنٹ ڈسٹرکٹ سیوی کے اسسٹنٹ ڈائریکٹر نے محکمے کی مجموعی کارکردگی، ذمہ داریوں اور جاری امور کے حوالے سے تفصیلی بریفنگ دی۔

اس موقع پر محکمہ کموڈیٹی مینجمنٹ کے انتظامی ڈھانچے اور عوام کو بنیادی غذائی ضروریات کی فراہمی کے لیے کیے جانے والے اقدامات سے آگاہ کیا گیا۔

کمشنر عرفان اللہ خان نے ہدایت کی کہ محکمہ اپنی ذمہ داریاں موثر انداز میں ادا کرے اور سرکاری امور کی انجام دہی میں شفافیت، مستعدی اور پیشہ ورانہ صلاحیتوں کو یقینی بنایا جائے۔ انہوں نے اس بات پر زور دیا کہ عوامی مفاد سے متعلق امور کو ترجیحی بنیادوں پر انجام دیا جائے اور محکمے کی کارکردگی کو مزید بہتر بنانے کے لیے عملی اقدامات کیے جائیں۔

تصویر: بشکریہ ڈی جی پی آر بلوچستان