ایرانی فوج کا انتباہ: نئی جنگ کا دائرہ مغربی ایشیا تک محدود نہیں رہے گا

تہران: ایرانی فوج کے ترجمان نے خبردار کیا ہے کہ اگر نئی جنگ ہوئی تو تنازع کا جغرافیہ مغربی ایشیا کے خطے تک محدود نہیں رہے گا۔

ایرانی خبر رساں اداروں کے مطابق ترجمان بریگیڈیئر جنرل محمد اکرمینیا نے کہا کہ امریکی تنصیبات، ساز و سامان، افواج اور مفادات، جہاں کہیں بھی قابلِ رسائی ہوں، نشانہ بنائے جا سکتے ہیں۔

ایک بیان میں ان کا کہنا تھا کہ مستقبل کی جنگ گزشتہ جنگ کے مقابلے میں کہیں زیادہ طویل ہو سکتی ہے۔

ترجمان کے مطابق ایران کے نظریے کو محض دفاعی حکمتِ عملی سے جارحانہ حکمتِ عملی میں تبدیل کرنے کا عمل ماضی میں شروع ہو چکا تھا، اور حالیہ جنگ میں اس کا عملی اظہار بھی سامنے آیا ہے۔