وزیراعظم شہباز شریف انطالیہ میں COP31 کانفرنس ہال پہنچے، اردوان اور گوتریس کا استقبال

انطالیہ (ترکیہ): وزیراعظم محمد شہباز شریف ماحولیاتی تبدیلی سے متعلق اقوام متحدہ کی عالمی کانفرنس COP31 میں شرکت کے لیے ترکیہ کے شہر انطالیہ پہنچ گئے ہیں۔

کانفرنس میں وزیراعظم کی شرکت پاکستان کے ماحولیاتی چیلنجز، موسمیاتی تبدیلیوں کے اثرات اور عالمی تعاون کے فروغ کے حوالے سے اہمیت کی حامل ہے۔

COP31 کانفرنس ہال پہنچنے پر ترکیہ کے صدر رجب طیب اردوان اور اقوام متحدہ کے سیکرٹری جنرل انتونیو گوتریس نے وزیراعظم کا پرتپاک استقبال کیا۔

اس موقع پر وزیراعظم شہباز شریف نے کانفرنس میں شریک عالمی رہنماؤں کے ہمراہ گروپ فوٹو میں شرکت کی۔ انہوں نے مختلف عالمی رہنماؤں سے مصافحہ کیا اور خیرسگالی کے جذبات کا تبادلہ کیا۔