پیٹرول اور ڈیزل سستے ہونے کے بعد لاہور میں ٹرانسپورٹ کرایوں میں کمی

لاہور: پیٹرولیم مصنوعات کی قیمتوں میں کمی کے بعد پبلک ٹرانسپورٹرز نے کرایوں میں کمی کا اعلان کر دیا ہے۔

مختلف ٹرانسپورٹ کمپنیوں نے کرایوں میں 100 روپے تک مزید کمی کر دی ہے۔ گڈز ٹرانسپورٹ کے کرائے بھی مزید 3 فیصد تک کم ہو گئے ہیں۔

سیکرٹری آر ٹی اے لاہور رانا محسن نے کہا کہ تمام بس اڈوں پر نئے کرایہ نامے آویزاں کر دیے گئے ہیں۔ پرانے یا زائد کرائے وصول کرنے والوں کے خلاف کارروائی ہوگی۔

تمام بس اڈوں پر نئے کرایہ ناموں کا اطلاق فوری طور پر ہوگا۔ ان کا کہنا تھا کہ پیٹرولیم مصنوعات کی قیمتوں میں کمی کا ریلیف عوام تک پہنچایا جا رہا ہے۔