چمن: اسسٹنٹ کمشنر کا بازاروں اور نانبائیوں کی دکانوں کا دورہ، سیفٹی پری کاشنز پر زور

چمن: اسسٹنٹ کمشنر سٹی چمن عزیز اللہ خان کاکڑ اور تحصیلدار احمد خان نے شہر کے مختلف بازاروں کا دورہ کیا۔ انہوں نے اشیائے خوردونوش، پھلوں، سبزیوں اور میوہ جات کی قیمتوں، معیار اور صفائی ستھرائی کا جائزہ لیا۔

اس دوران نانبائیوں کی دکانوں پر روٹی کے وزن اور مقررہ نرخوں کی بھی جانچ پڑتال کی گئی۔

اس موقع پر اسسٹنٹ کمشنر نے واضح کیا کہ عوام کی صحت و سلامتی کے تحفظ اور حفاظتی تدابیر (سیفٹی پری کاشنز) پر عمل درآمد یقینی بنانے کے لیے کسی قسم کی مصلحت پسندی سے کام نہیں لیا جائے گا۔

انہوں نے دکانداروں کو سرکاری نرخ ناموں کی پابندی، صفائی برقرار رکھنے اور زائدالمیعاد اشیاء کی فروخت سے اجتناب کی ہدایت کرتے ہوئے کہا کہ خلاف ورزی کرنے والوں کے خلاف قانون کے مطابق کارروائی عمل میں لائی جائے گی۔