لارڈز ٹیسٹ کا پہلا روز ختم، انگلینڈ نے 9 وکٹوں پر 248 رنز بنالیے

انگلینڈ کی جانب سے جیمی اسمتھ 61 اور جارڈن کاکس 55 رنز بناکر نمایاں رہے، جبکہ بین ڈکٹ اور ڈین لارنس نے 17،17 رنز بنائے۔ ہیری بروک نے 15، جوفرا آرچر نے 14، ایمیلیو گے نے 8 اور جو روٹ نے 4 رنز بنائے۔

دن کے اختتام پر گس اٹکنسن 34 اور جوش ٹنگ ایک رن کے ساتھ کریز پر موجود تھے۔

پاکستان کی جانب سے محمد عباس نے شاندار بولنگ کا مظاہرہ کرتے ہوئے 4 وکٹیں حاصل کیں، جبکہ محمد علی نے 3 کھلاڑیوں کو آؤٹ کیا۔

واضح رہے کہ پاکستان نے ٹاس جیت کر پہلے فیلڈنگ کا فیصلہ کیا تھا۔