دانش اسکول کی فارغ التحصیل ڈاکٹر علینہ کی گفتگو، وزیراعظم شہباز شریف آبدیدہ ہو گئے

اسلام آباد: دانش اسکول سے فارغ التحصیل ڈاکٹر علینہ کی گفتگو نے سب کو رلا دیا۔

ڈاکٹر علینہ نے کہا کہ والد کا سایہ سر پر نہ ہونا بڑی محرومی ہے، یتیم کے خواب ادھورے ہی رہ جاتے ہیں، ایک درزی کی بیٹی ڈاکٹر بننے کا خواب کیسے دیکھ سکتی ہے۔ انہوں نے کہا: وزیراعظم شہباز شریف، ہمیں ایک دانش اسکول جیسا خاندان اور گھر دینے کے لیے آپ کا شکریہ۔

انہوں نے کہا کہ ان کی زندگی میں والد کا کردار وزیراعظم نے ادا کیا ہے۔ ان کے لیے نئی کتابیں، نیا بیگ اور نئے شوز سب خوش کن تھا۔

وزیراعظم ڈاکٹر علینہ کی کہانی سن کر آبدیدہ ہو گئے۔ ڈاکٹر علینہ نے کہا: خاک سے سر کا تاج بنانے کے لیے وزیراعظم آپ کا شکریہ، میرے پاس آپ کا شکریہ ادا کرنے کے لیے الفاظ نہیں۔

وزیراعظم نے ڈاکٹر علینہ کے سر پر دستِ شفقت رکھا اور حوصلہ افزائی کی۔