بارانی زرعی یونیورسٹی میں خزاں 2026 کے دوران 4500 سے زائد نئے داخلے، نیا ریکارڈ

راولپنڈی: پیر مہر علی شاہ بارانی زرعی یونیورسٹی میں داخلوں کا نیا ریکارڈ قائم ہوا ہے۔ وائس چانسلر پروفیسر ڈاکٹر قمر الزمان کی قیادت میں جامعہ نے تاریخی سنگ میل عبور کر لیا ہے۔

سمسٹر خزاں 2026 میں 4500 سے زائد نئے طلبہ نے داخلہ لیا۔ سال 2025 کے 4,100 داخلوں کے مقابلے میں رواں سال تقریباً 8 فیصد اضافہ ہوا، جس پر وائس چانسلر نے فیکلٹی، انتظامی افسران اور داخلہ ٹیموں کو مبارکباد دی۔

چار سالہ تقابلی اعداد و شمار

یونیورسٹی کے چار سالہ داخلوں کے تقابلی اعداد و شمار جاری کیے گئے ہیں۔ سال 2024 کے مقابلے میں داخلوں کی شرح میں 65.4 فیصد کا غیر معمولی اضافہ ریکارڈ ہوا۔

خزاں 2023 میں 3,000 جبکہ 2024 میں 2,600 طلبہ نے داخلہ لیا تھا۔ سال 2025 میں 57.7 فیصد اضافے کے ساتھ 4,100 داخلے مکمل ہوئے تھے۔

وائس چانسلر پروفیسر ڈاکٹر قمر الزمان نے کہا کہ داخلوں میں ریکارڈ اضافہ تعلیمی معیار پر عوامی اعتماد کا واضح ثبوت ہے۔ روایتی زراعت کے ساتھ آئی ٹی، انجینئرنگ اور مینجمنٹ سائنسز میں بھی طلبہ کی بھرپور دلچسپی دیکھی گئی۔

ترجمان ڈاکٹر ندیم احمد ملک کے مطابق طلبہ کا بارانی یونیورسٹی کا انتخاب ادارے کی اعلیٰ ساکھ اور جدید لیبز پر اعتماد ہے۔