اسلامیہ یونیورسٹی بہاولپور کی حدود میں ٹک ٹاک اور سوشل میڈیا ایپس پر پابندی

بہاولپور: اسلامیہ یونیورسٹی بہاولپور نے جامعہ کی حدود میں ٹک ٹاک اور دیگر سوشل میڈیا ایپس کے استعمال پر پابندی عائد کر دی ہے۔

ڈائریکٹریٹ آف سٹوڈنٹس افیئرز کی جانب سے ڈیجیٹل ایپس پر پابندی کا نوٹیفکیشن جاری کر دیا گیا۔ نوٹیفکیشن کے مطابق ٹک ٹاک، سنیک ویڈیو سمیت دیگر سوشل میڈیا ایپس پر پابندی ہوگی۔

اعلامیے کے مطابق طالبات کی اجازت کے بغیر ویڈیوز بنانے اور سوشل میڈیا پر اپ لوڈ کرنے کی شکایات موصول ہوئیں۔ طالبات کی پرائیویسی اور عزتِ نفس کے تحفظ کے پیش نظر یہ اقدام اٹھایا گیا۔

نوٹیفکیشن میں کہا گیا ہے کہ ایپس پر غیر اخلاقی مواد بنانے یا پھیلانے کے کیسز ڈسپلنری کمیٹی کو بھجوائے جائیں گے، جبکہ خلاف ورزی کرنے والے کے خلاف تادیبی کارروائی کی جائے گی۔