امریکا کا سعودی عرب سے سفارتی عملہ واپس بلانے کا فیصلہ، عراق سفر سے گریز کی ہدایت میں توسیع

واشنگٹن: امریکا نے سعودی عرب میں غیر ہنگامی سفارتی عملے اور اہلِ خانہ کو فوری روانگی کا حکم دے دیا ہے۔ اردن، قطر، متحدہ عرب امارات اور لبنان میں بھی امریکی سفارتی عملے کی تعداد کم کی جا رہی ہے۔

امریکی ٹی وی کے مطابق امریکی انٹیلی جنس نے ایران پر حملوں کی صورت میں مشرقِ وسطیٰ میں امریکی اہلکاروں پر ایرانی حملوں کے خدشات ظاہر کیے، جس کے بعد انخلا تیز کر دیا گیا۔

ممکنہ خطرات کے پیش نظر امریکی شہریوں کو عراق کا سفر نہ کرنے کی ہدایات میں توسیع کر دی گئی ہے۔