ٹیلر سوئفٹ سب سے زیادہ وی ایم اے ایوارڈز جیتنے والی فنکارہ بن گئیں

ٹیلر سوئفٹ تقریب سے قبل 30 ایوارڈز کے ساتھ بیونسے کے برابر تھیں، مگر پہلی مرتبہ متعارف کرایا گیا ایم ٹی وی وی ایم اے آرٹسٹ ڈائریکٹر اونرس حاصل کرتے ہی انہوں نے ریکارڈ توڑ دیا۔

بعدازاں ٹیلر نے ’فیٹ آف اوپہیلیا‘ کیلئے ویڈیو آف دی ایئر اور بیسٹ ڈائریکشن کے ایوارڈز بھی جیتے، جس کے بعد ان کے مجموعی وی ایم اے ایوارڈز کی تعداد 33 ہو گئی۔

تقریب کے دوران ٹیلر سوئفٹ نے اپنے نئے گانے ’پیشنٹ زیرو‘ کی میوزک ویڈیو بھی پیش کی، جس کی ہدایت کاری انہوں نے خود کی جبکہ ویڈیو میں کولن فیرل اور ڈکوٹا جانسن نے اداکاری کی۔