رامائن کے ویڑول ایفیکٹس پر تنقید نہ کی جائے، یش کی مداحوں سے اپیل

ممبئی: بھارتی اداکار یش نے اپنی آنے والی فلم رامائن کے ویڑول ایفیکٹس اور فلمی پیش کش کے حوالے سے مداحوں سے اپیل کی ہے کہ وہ فلم دیکھتے ہوئے چھوٹی چھوٹی خامیوں پر توجہ دینے کے بجائے اسے کھلے ذہن سے دیکھیں۔

فلم کے حوالے سے سامنے آنے والی خبروں کے مطابق یش نے ناظرین کو یاد دلایا کہ کسی بڑے فلمی منصوبے کو صرف چند مناظر یا تکنیکی پہلوؤں کی بنیاد پر جانچنے کے بجائے اس کی مجموعی پیش کش کو بھی اہمیت دینی چاہیے۔

رامائن بھارتی فلمی صنعت کے نمایاں منصوبوں میں شمار کی جا رہی ہے، جس سے متعلق ناظرین کی توقعات خاصی بلند ہیں۔

فلم کی تشہیر کے دوران اس کے ویڑول ایفیکٹس، کرداروں کی پیش کش اور تکنیکی معیار پر ہونے والی گفتگو بھی توجہ حاصل کر رہی ہے۔