کوئٹہ: ڈسٹرکٹ ایجوکیشن گروپ اجلاس میں غیر حاضر اساتذہ کا ڈیٹا اور تنخواہوں میں کٹوتی کا جائزہ

کوئٹہ: ڈسٹرکٹ ایجوکیشن گروپ کا اجلاس ایڈیشنل ڈپٹی کمشنر (جنرل) محمد انور کاکڑ کی زیرِ صدارت منعقد ہوا، جس میں ڈسٹرکٹ ایجوکیشن آفیسر، ڈسٹرکٹ خزانہ آفیسر، یونیسف کوآرڈینیٹر، تمام متعلقہ ڈی ڈی اوز (میل/فیمیل) اور دیگر افسران نے شرکت کی۔

اجلاس میں محکمہ تعلیم کا ریشنلائزیشن ڈیٹا، غیر حاضر ملازمین کا ریکارڈ اور نئے کنٹریکٹ ملازمین کا ڈیٹا پیش کیا گیا۔ RTMM نے ضلع کے تمام اسکولوں میں حاضر اور غیر حاضر اساتذہ کا ڈیٹا اور غیر حاضر اساتذہ کی تنخواہوں میں کٹوتی سے متعلق ڈیٹا بھی پیش کیا۔

یونیسف آفیسر نے کوئٹہ کے 6 اسکولوں میں ترقیاتی کاموں کا ڈیٹا اور مختلف اسکولوں میں دی جانے والی اسکول ٹریننگ کی رپورٹ پیش کی۔ اجلاس میں اساتذہ کی حاضری، ریکارڈ کی درستگی، ترقیاتی امور اور تعلیمی نظام کی مؤثر نگرانی سے متعلق امور کا جائزہ لیا گیا۔

تصویر: بشکریہ ڈی جی پی آر بلوچستان