ڈی آئی جی ژوب رینج سہیل خالد کا ضلع چمن کا دورہ، تھانوں کا معائنہ اور امن و امان پر بریفنگ

چمن: ڈپٹی انسپکٹر جنرل (ڈی آئی جی) پولیس ژوب رینج سہیل خالد نے ضلع چمن کا دورہ کیا۔ انہوں نے پولیس تھانہ ژڑہ بند اور سٹی تھانہ چمن کا معائنہ کرتے ہوئے ریکارڈ، سکیورٹی انتظامات اور پولیس کی مجموعی کارکردگی کا جائزہ لیا اور افسران و اہلکاروں کو ضروری ہدایات دیں۔

بعد ازاں ایس پی آفس چمن میں پولیس کے چاق و چوبند دستے نے ڈی آئی جی کو گارڈ آف آنر پیش کیا۔ ایس پی چمن اعتزاز عارف نے ضلع کی مجموعی امن و امان کی صورتحال، جبکہ ڈسٹرکٹ آفیسر سی ٹی ڈی نے انسدادِ دہشت گردی، انٹیلی جنس بیسڈ آپریشنز (IBOs) اور جاری کارروائیوں پر تفصیلی بریفنگ دی۔

اجلاس میں ڈپٹی کمشنر چمن حبیب احمد بنگلزئی، اے ڈی سی چمن فدا بلوچ، ڈسٹرکٹ آفیسر سی ٹی ڈی اور انچارج اسپیشل برانچ بھی شریک تھے۔ ڈی آئی جی سہیل خالد نے بریفنگز پر اطمینان ظاہر کرتے ہوئے امن و امان کے مزید استحکام، جرائم کی مؤثر روک تھام، پولیس کی کارکردگی میں بہتری اور دہشت گردی کے خلاف کارروائیاں مزید مؤثر بنانے کی ہدایات جاری کیں۔

تصویر: بشکریہ ڈی جی پی آر بلوچستان