وزیراعظم شہباز شریف کی انطالیہ میں عالمی رہنماؤں سے ملاقاتیں، غزہ اور خطے کی صورتحال زیرِ غور
انطالیہ: وزیراعظم محمد شہباز شریف نے ترکیہ کے شہر انطالیہ میں منعقدہ COP31 میں پاکستان کی نمائندگی کے دوران عالمی رہنماؤں سے غیر رسمی ملاقاتیں کیں، جن میں غزہ اور خطے کی صورتحال سمیت مختلف امور زیرِ غور آئے۔
بدھ کو جاری اعلامیے کے مطابق وزیراعظم کی ملاقاتیں مملکت سعودی عرب کے وزیرِ توانائی شہزادہ عبدالعزیز بن سلمان آل سعود، بنگلہ دیش کے وزیراعظم طارق رحمن اور اسلامی تعاون تنظیم کے سیکریٹری جنرل اسماعیل اولد شیخ احمد سے ہوئیں۔
وزیراعظم کی فلسطین کے وزیراعظم محمد مصطفیٰ سے بھی ملاقات ہوئی، جس میں شہباز شریف نے فلسطینی عوام کے ساتھ حکومت اور پاکستان کے عوام کی جانب سے بھرپور یکجہتی کا اظہار کیا۔
فلسطینی وزیراعظم نے عالمی سطح پر فلسطینی عوام پر ڈھائے جانے والے مظالم کے خلاف مؤثر انداز میں آواز اٹھانے اور فلسطینی مؤقف کی تائید پر حکومت اور پاکستان کے عوام کا شکریہ ادا کیا۔
وزیراعظم نے خاتونِ اول ترکیہ امینہ اردوان، شام کے صدر احمد الشرع، مملکت سعودی عرب کے وزیرِ مملکت برائے خارجہ عادل بن احمد الجبیر اور ورلڈ بینک کے صدر اجے بنگا سے بھی ملاقاتیں کیں۔
خوشگوار ماحول میں ہونے والی ان ملاقاتوں میں دوطرفہ تعلقات کی مضبوطی اور خطے کی صورتحال پر گفتگو ہوئی۔ ملاقاتوں میں موسمیاتی تبدیلی کے مضر اثرات سے سب سے زیادہ متاثر ممالک کی مشکلات کو عالمی سطح پر اجاگر کرنے کی اہمیت پر بھی بات ہوئی۔
مزید پڑھیں: پاکستان
عمران خان کو پمز میں آنکھ کا انجیکشن لگا کر واپس اڈیالہ جیل منتقل کر دیا گیا
تیراہ سے سابق افغان فوجی گرفتار، پاکستان میں دہشت گردی کے الزامات
جمعیت علمائے اسلام (ف) اسلام آباد کے امیر اویس عزیز کا 15 دن کا جسمانی ریمانڈ منظور
پاکستان اور روس کے درمیان 10 سے زائد معاہدوں پر دستخط کی تیاری آخری مراحل میں
وزیراعظم شہباز شریف انطالیہ میں COP31 کانفرنس ہال پہنچے، اردوان اور گوتریس کا استقبال
حکومت کی مولانا فضل الرحمان سے ایک اور مفاہمتی کوشش، ایاز صادق کی قیادت میں وفد ملاقات کرے گا
آرمی رائفل ایسوسی ایشن سینٹرل میٹ کی اختتامی تقریب، فیلڈ مارشل عاصم منیر کی شرکت
وزیراعظم شہباز شریف کی ترکیہ میں ایرانی صدر مسعود پزشکیان سے ملاقات، خطے کی سیکیورٹی پر گفتگو
بانی پی ٹی آئی کی 28ویں ترمیم پر رائے پارٹی قیادت کو بھجوا دی گئی
مفتی ابرار احمد سمیت 200 سے زائد کارکنوں پر دہشت گردی کا مقدمہ، جے یو آئی کا احتجاج
محمود خان اچکزئی سے بیرسٹر گوہر اور اسد قیصر کی ملاقات، بانی پی ٹی آئی کی صحت پر تشویش
