بانی پی ٹی آئی کی 28ویں ترمیم پر رائے پارٹی قیادت کو بھجوا دی گئی

راولپنڈی: بانی پی ٹی آئی نے 28ویں آئینی ترمیم پر اپنی رائے پارٹی قیادت کو بھجوا دی ہے۔ بانی نے یہ رائے وکیل سلمان صفدر کے ذریعے پہنچائی، جنہیں انہوں نے گزشتہ ملاقات میں اپنی رائے سے آگاہ کیا تھا۔

پی ٹی آئی کے سیکرٹری جنرل سلمان اکرم راجہ نے گفتگو میں بتایا کہ بانی پی ٹی آئی کی 28ویں آئینی ترمیم کے حوالے سے واضح رائے ان تک پہنچ چکی ہے۔

انہوں نے کہا کہ بانی پی ٹی آئی کی رائے پارٹی کے سامنے رکھی جائے گی۔ پارلیمانی پارٹی، کور کمیٹی اور پولیٹیکل کمیٹی کے اجلاس بلائے جائیں گے، جن میں 28ویں آئینی ترمیم پر بانی پی ٹی آئی کا واضح موقف پیش کیا جائے گا۔