مستونگ: ویٹ لفٹر محمد یاسر بنگلزئی کو ایشین اور ورلڈ برونز میڈلز پر مبارکباد

مستونگ: ڈسٹرکٹ مستونگ ویٹ لفٹنگ ایسوسی ایشن کے صدر حاجی قادر بخش بنگلزئی نے انٹرنیشنل ویٹ لفٹر محمد یاسر بنگلزئی کو مبارکباد پیش کی ہے، جنہوں نے مستونگ کا نام روشن کر دیا ہے۔

مستونگ کے لیے یہ اعزاز کی بات ہے کہ محمد یاسر بنگلزئی نے اسلام آباد میں منعقدہ دوسری ایشین اینڈ ورلڈ ماسٹر ویٹ لفٹنگ چیمپئن شپ اور گرینڈ پرکس 2026 میں شاندار کارکردگی کا مظاہرہ کرتے ہوئے ایشین اور ورلڈ برونز میڈلز جیت لیے۔

محمد یاسر بنگلزئی کی اس نمایاں کامیابی نے نہ صرف بنگلزئی بلکہ پورے علاقے کا نام روشن کیا ہے۔ ان کی کامیابی محنت، عزم، مستقل مزاجی اور کھیلوں سے وابستگی کا منہ بولتا ثبوت ہے۔

ان کی اس شاندار کامیابی پر اہلِ مستونگ اور کھیلوں سے دلچسپی رکھنے والے حلقوں میں خوشی کی لہر دوڑ گئی ہے۔ محمد یاسر بنگلزئی کی کامیابی نوجوان نسل کے لیے ایک قابلِ تقلید مثال ہے کہ محنت، لگن اور حوصلے سے بین الاقوامی سطح پر ملک و قوم کا نام روشن کیا جا سکتا ہے۔