مشرق وسطیٰ میں کشیدگی: پاکستان کے ایئرپورٹس سے ریاض جانے والی تمام پروازیں منسوخ، 50 سے زائد متاثر

اسلام آباد: سعودی عرب اور مشرق وسطیٰ میں کشیدگی کے باعث پاکستان کا فضائی نظام متاثر ہوا ہے۔ علامہ اقبال انٹرنیشنل ایئرپورٹ لاہور سمیت ملک کے دیگر ایئرپورٹس سے جانے اور آنے والی پچاس سے زائد پروازیں متاثر ہوئیں۔

سعودی عرب کا ریاض ایئرپورٹ ہر قسم کی پروازوں کے لیے تاحال بند ہے، جس کے باعث علامہ اقبال انٹرنیشنل ایئرپورٹ سمیت ملک کے دیگر ایئرپورٹس سے ریاض جانے والی تمام پروازیں منسوخ ہیں۔

جدہ، دمام، دبئی، شارجہ، قطر اور ترکی جانے اور آنے والی ملکی و غیر ملکی ایئر لائنز کی 25 پروازیں تاخیر کا شکار ہوئیں۔

تمام ایئر لائنز نے مسافروں کو ہدایت جاری کی ہے کہ وہ ایئرپورٹ آنے سے قبل مکمل معلومات حاصل کر لیں۔