سنجاوی: اسسٹنٹ کمشنر شیر شاہ غلزئی کی زیر صدارت پولیو مہم کا ایوننگ ریویو اجلاس

سنجاوی: ڈپٹی کمشنر زیارت عبدالقدوس اچکزئی کی ہدایت پر اسسٹنٹ کمشنر سنجاوی شیر شاہ غلزئی کی زیرِ صدارت چار روزہ انسدادِ پولیو مہم کے تیسرے روز مانیٹرنگ افسران، زونل سپروائزرز اور یونین کونسل انچارجز کا ایوننگ ریویو اجلاس منعقد ہوا۔

اجلاس میں مہم کی کارکردگی، فیلڈ ٹیموں کی پیش رفت، بچوں کو قطرے پلانے کی صورتحال اور فیلڈ کے مسائل کا جائزہ لیا گیا، اور یونین کونسل انچارجز نے اپنے علاقوں کی صورتحال پر بریفنگ دی۔

اسسٹنٹ کمشنر نے ہدایت کی کہ پانچ سال سے کم عمر کوئی بچہ پولیو کے حفاظتی قطروں سے محروم نہ رہے، فیلڈ ٹیمیں گھر گھر جا کر قطرے پلائیں اور رہ جانے والے بچوں کی فوری نشاندہی کرکے انہیں قطرے پلائے جائیں۔

انہوں نے کہا کہ مہم بچوں کے محفوظ اور صحت مند مستقبل کے لیے انتہائی اہم ہے اور اس کی کامیابی کے لیے تمام اداروں، افسران اور فیلڈ ٹیموں کی مشترکہ کاوشیں ناگزیر ہیں۔ مہم کے اختتام تک تمام بچوں کو قطرے پلانے کے لیے اقدامات تسلسل سے جاری رکھے جائیں۔

تصویر: بشکریہ ڈی جی پی آر بلوچستان