گوادر: میر کلمتی انٹر ایجوکیشنل اسپورٹس فیسٹیول 2026 کی تیاریوں پر اسپورٹس انچارجز کا اجلاس

گوادر: گورنمنٹ بوائز ماڈل ہائی اسکول گوادر میں محکمہ تعلیم اور میر کلمتی انٹر ایجوکیشنل اسپورٹس فیسٹیول 2026 کے انتظامات اور تیاریوں کے سلسلے میں ضلع کے سرکاری و نجی اسکولوں کے اسپورٹس انچارجز کا اجلاس منعقد ہوا۔

اجلاس کی صدارت وائس پرنسپل گورنمنٹ بوائز ماڈل ہائی اسکول خالد کریم نے کی، جبکہ ٹورنامنٹ کے سرپرستِ اعلیٰ میر ارشد کلمتی، ناصر سہرابی اور مختلف تعلیمی اداروں کے اسپورٹس انچارجز نے شرکت کی۔ اجلاس میں ٹیموں کی شرکت، میچز کے شیڈول، انتظامی امور، نظم و ضبط، کھیلوں کے قواعد و ضوابط اور نگرانی کا جائزہ لیا گیا اور فیسٹیول کو شفاف اور منظم انداز میں منعقد کرنے پر اتفاق کیا گیا۔

فیسٹیول کا افتتاحی میچ صبح جبکہ دیگر تمام میچز شام کے اوقات میں سورگدل فٹبال گراؤنڈ گوادر میں کھیلے جائیں گے۔ ٹورنامنٹ میں 17 سال یا اس سے کم عمر طلبہ حصہ لے سکیں گے، جبکہ نمایاں کارکردگی دکھانے والی ٹیموں اور کھلاڑیوں میں انعامات تقسیم کیے جائیں گے۔

تصویر: بشکریہ ڈی جی پی آر بلوچستان