کراچی کے سرجانی ٹاؤن میں رینجرز اور سی ٹی ڈی کی کارروائی، 5 انسانی اسمگلر گرفتار

کراچی: سرجانی ٹاؤن میں رینجرز اور سی ٹی ڈی نے کارروائی کرکے 5 بین الصوبائی انسانی اسمگلروں کو گرفتار کر لیا۔

ترجمان رینجرز کے مطابق گرفتار ملزمان غیر قانونی طور پر افغان باشندوں کو کراچی منتقل کر رہے تھے۔

ملزمان غیر قانونی افغان باشندوں کو کراچی پہنچانے کے لیے پیسے لیتے تھے اور فی خاندان 2 لاکھ روپے تک رقم وصول کرتے تھے۔

ترجمان کے مطابق ملزمان سے اسلحہ، منشیات اور گاڑی برآمد ہوئی ہے۔

ترجمان رینجرز کا مزید کہنا ہے کہ ملزمان افغان باشندوں کو مختلف ہوٹلوں اور گھروں میں عارضی رہائش فراہم کرتے تھے۔