قلات: ایڈیشنل ڈپٹی کمشنر شاہنواز بلوچ کا BSDI کے زیر تعمیر آئی ٹی ہب کا دورہ، ناقص میٹریل ناقابلِ قبول قرار

قلات: ایڈیشنل ڈپٹی کمشنر قلات شاہنواز بلوچ نے گورنمنٹ کالج آف ایلیمنٹری ایجوکیشن میں BSDI کے تحت زیرِ تعمیر IT HUB کا تفصیلی دورہ کیا۔ کالج کی پرنسپل محترمہ غزالہ رحیم، لیکچرار شمس پندرانی اور سردارزادہ ایاز مینگل نے انہیں آئی ٹی پراجیکٹ سے متعلق بریفنگ دی۔

ایڈیشنل ڈپٹی کمشنر نے کام کی رفتار اور تعمیر میں استعمال ہونے والے مواد کے معیار کا بغور جائزہ لیا اور سختی سے ہدایت کی کہ متعلقہ ٹھیکیدار جلد از جلد کام مکمل کرے تاکہ علاقے کے طلبہ جدید کمپیوٹر تعلیم حاصل کر سکیں۔ انہوں نے کہا کہ تعمیراتی کام میں ناقص میٹریل کا استعمال کسی صورت قابلِ قبول نہیں ہوگا۔

تصویر: بشکریہ ڈی جی پی آر بلوچستان