اسپیکر عبدالخالق اچکزئی سے MERF وفد کی ملاقات، چمن میں صحت اور فلاحی منصوبوں پر بریفنگ

چمن: اسپیکر بلوچستان اسمبلی کیپٹن (ر) عبدالخالق اچکزئی سے MERF کی اسلام آباد ٹیم کے ڈاکٹر اورنگزیب اور غالب، جبکہ بلوچستان ٹیم کے مسعود ریکی نے ملاقات کی۔

ملاقات میں MERF کے جاری منصوبوں، بالخصوص ضلع چمن میں صحت، کمیونٹی سپورٹ اور دیگر فلاحی سرگرمیوں پر تفصیلی بریفنگ دی گئی اور اسپیکر کو منصوبے کی پیش رفت سے آگاہ کیا گیا۔

اسپیکر عبدالخالق اچکزئی نے عوامی فلاح و بہبود اور بنیادی سہولیات کی بہتری کے لیے MERF اور دیگر شراکت دار اداروں کی خدمات کو سراہا اور منصوبے کی کامیابی کے لیے ہر ممکن تعاون اور معاونت کی یقین دہانی کرائی۔ ملاقات میں ڈپٹی کمشنر چمن حبیب احمد بنگلزئی، اکرم اور IRC کے ضلعی پروگرام افسر ایاز خان سمیت دیگر متعلقہ حکام بھی موجود تھے۔

تصویر: بشکریہ ڈی جی پی آر بلوچستان