وزیر اعلیٰ بلوچستان سرفراز بگٹی سے ڈاکٹر عبدالمالک بلوچ، اسپیکر عبدالخالق اچکزئی اور دیگر رہنماؤں کی ملاقاتیں

کوئٹہ: وزیر اعلیٰ بلوچستان میر سرفراز بگٹی سے 4 اگست کو مختلف سیاسی رہنماؤں، صوبائی وزراء اور ارکان صوبائی اسمبلی نے الگ الگ ملاقاتیں کیں۔

وزیر اعلیٰ سے ملاقات کرنے والوں میں نیشنل پارٹی کے سربراہ و رکن صوبائی اسمبلی ڈاکٹر عبدالمالک بلوچ، اسپیکر صوبائی اسمبلی عبدالخالق خان اچکزئی اور پاکستان پیپلز پارٹی کے صوبائی صدر سینیٹر سردار عمر خان گورگیج شامل تھے۔

صوبائی وزراء نور محمد دمڑ اور سردار مسعود خان لونی، صوبائی وزیر میر ضیاء اللہ لانگو، صوبائی وزیر میر شعیب نوشیروانی، سابق صوبائی وزیر میر نصیب اللہ مری اور سردارزادہ فیصل خان جمالی نے بھی وزیر اعلیٰ سے ملاقات کی۔

اسی طرح ارکان صوبائی اسمبلی فضل قادر مندوخیل، اصغر خان ترین اور میر زابد علی ریکی، پارلیمانی سیکرٹری فشریز میر برکت علی رند اور پارلیمانی سیکرٹری میر لیاقت لہڑی بھی وزیر اعلیٰ بلوچستان سے ملنے والوں میں شامل تھے۔

تصویر: بشکریہ ڈی جی پی آر بلوچستان