سنجاوی میں لمپی سکن ڈیزیز سے بچاؤ کی ویکسینیشن مہم، 300 مویشیوں کو ویکسین لگا دی گئی

سنجاوی: وزیر اعلیٰ بلوچستان میر سرفراز بگٹی کے وژن اور محکمہ لائیو اسٹاک کی ہدایات کے مطابق ضلع زیارت کی تحصیل سنجاوی میں جانوروں کو لمپی سکن ڈیزیز (Lumpy Skin Disease) سے محفوظ رکھنے کے لیے ویکسینیشن مہم جاری ہے۔

ڈسٹرکٹ لائیو اسٹاک آفیسر ڈاکٹر نوید کی سربراہی میں محکمہ لائیو اسٹاک کی ٹیمیں مختلف علاقوں میں مویشی پال حضرات کے جانوروں کو حفاظتی ویکسین لگا رہی ہیں۔ اب تک 300 گائے اور دیگر مویشیوں کو ویکسین لگائی جا چکی ہے، جبکہ مہم کو مزید علاقوں تک وسعت دی جا رہی ہے۔

لمپی سکن ڈیزیز مویشیوں کی ایک متعدی بیماری ہے جو عموماً مچھروں، مکھیوں اور دیگر خون چوسنے والے کیڑوں کے ذریعے ایک جانور سے دوسرے جانور تک منتقل ہو سکتی ہے۔

تصویر: بشکریہ ڈی جی پی آر بلوچستان