چمن میں بی ایس ڈی آئی فیز تھری کے منصوبوں کا جائزہ، ڈی سی حبیب احمد بنگلزئی کی معیاری اور بروقت تکمیل کی ہدایت

چمن: ڈپٹی کمشنر چمن حبیب احمد بنگلزئی کی زیرِ صدارت بی ایس ڈی آئی (BSDI) منصوبوں کی کارکردگی، جاری ترقیاتی کاموں اور پیش رفت کا جائزہ لینے کے لیے اجلاس منعقد ہوا، جس میں محکمہ مواصلات و تعمیرات (C&W) کے ایکسین، انجینئرز، سب ڈویژنل افسران، محکمہ منصوبہ بندی و ترقی اور دیگر محکموں کے افسران نے شرکت کی۔

افسران نے ضلع چمن میں بی ایس ڈی آئی فیز تھری کے تحت جاری ترقیاتی منصوبوں، تعمیراتی کاموں کی صورتحال، پیش رفت اور درپیش مسائل پر ڈپٹی کمشنر کو بریفنگ دی۔

ڈپٹی کمشنر نے تعمیراتی معیار ہر صورت یقینی بنانے، معیاری میٹریل کے استعمال، کام مقررہ مدت میں مکمل کرنے اور منصوبوں کی مسلسل نگرانی کی سخت ہدایات دیں۔ انہوں نے کہا کہ منصوبوں کی تکمیل میں غفلت، سستی یا غیر ضروری تاخیر برداشت نہیں کی جائے گی اور تمام کام معیار، شفافیت اور مقررہ مدت کے مطابق مکمل کیے جائیں تاکہ عوام کو ان کے ثمرات بروقت مل سکیں۔

انہوں نے ہدایت کی کہ منصوبوں کی فیلڈ میں باقاعدہ نگرانی کی جائے اور کام کی رفتار و معیار سے متعلق رپورٹ باقاعدگی سے ضلعی انتظامیہ کو پیش کی جائے۔

تصویر: بشکریہ ڈی جی پی آر بلوچستان