بلوچستان اسمبلی اجلاس: آڈٹ رپورٹ 2025-26 اور آبپاشی کمیٹی رپورٹ ایوان میں پیش، کوہلو کے شہداء کے لیے دعا

کوئٹہ: بلوچستان صوبائی اسمبلی کا اجلاس 14 اکتوبر کو اسپیکر کیپٹن (ر) عبدالخالق اچکزئی کی زیرِ صدارت منعقد ہوا۔

اجلاس میں گزشتہ روز کوہلو میں شہید ہونے والے خان محمد مری اور نور احمد مری کے لیے دعائے مغفرت کی گئی۔

صوبائی وزیر مواصلات و تعمیرات میر سلیم احمد خان کھوسہ نے آڈٹس رپورٹ 2025-26 ایوان میں پیش کی، جبکہ پارلیمانی سیکرٹری میر اصغر رند نے قائمہ کمیٹی برائے محکمہ آبپاشی کی رپورٹ پیش کی۔ صوبائی وزیر آبپاشی میر صادق عمرانی نے اجلاس میں تحریک پیش کی۔

سابق وزیر اعلیٰ اور رکن صوبائی اسمبلی ڈاکٹر عبدالمالک بلوچ نے پوائنٹ آف آرڈر پر اظہارِ خیال کیا۔ صوبائی وزراء میر ظہور احمد بلیدی، سردار عبدالرحمان کھیتران، میر ضیاء اللہ لانگو، حاجی علی مدد جتک، صوبائی مشیر مینا مجید بلوچ، پارلیمانی سیکرٹری حاجی عبدالمجید بادینی اور اراکین صوبائی اسمبلی زمرک خان اچکزئی، زرک خان مندوخیل، میر یونس عزیز زہری، ڈاکٹر احمد نواز کبزئی، حاجی غلام دستگیر بادینی، میر جہانزیب مینگل، مولانا ہدایت الرحمان بلوچ اور سید ظفر آغا نے بھی پوائنٹ آف آرڈر پر اظہارِ خیال کیا۔

وزیر اعلیٰ بلوچستان میر سرفراز بگٹی نے اسمبلی اجلاس سے قبل اپوزیشن لیڈر میر یونس عزیز زہری، اراکین صوبائی اسمبلی، پارلیمانی سیکرٹریز ولی محمد نورزئی اور میر اصغر علی رند اور رکن صوبائی اسمبلی راوی کمار سے بات چیت کی، جبکہ اجلاس کے دوران رکن صوبائی اسمبلی میر جہانزیب مینگل اور سلمیٰ کاکڑ سے بھی گفتگو کی۔

تصویر: بشکریہ ڈی جی پی آر بلوچستان