سوراب میں ملاوٹی دودھ کے خلاف کارروائی، ڈیری فارمرز، ہوٹلز اور دکانداروں پر جرمانے

سوراب: ڈپٹی کمشنر سوراب صاحبزادہ نجیب اللہ کی ہدایت پر تحصیلدار سوراب محمود احمد کرد نے ویٹرنری افسر ڈاکٹر محمد ایوب زہری، پی ایس اے سی محمد فضل لہڑی اور دیگر اہلکاروں کے ہمراہ مختلف ڈیری فارمز، ہوٹلز اور سوراب بازار میں دودھ فروشوں کے خلاف خصوصی کارروائی کی۔

کارروائی کے دوران دودھ کے معیار، پانی کی مقدار اور ملاوٹ کی جانچ کی گئی اور خلاف ورزی کے مرتکب متعدد ڈیری فارمرز، ہوٹلز اور دکانداروں پر جرمانے عائد کیے گئے۔ انتظامیہ نے واضح کیا کہ شہریوں کو ناقص اور ملاوٹی دودھ فروخت کرنے کی کسی صورت اجازت نہیں دی جائے گی۔

ڈپٹی کمشنر صاحبزادہ نجیب اللہ نے سخت تنبیہ کرتے ہوئے کہا کہ ملاوٹ اور غیر معیاری دودھ کی فروخت میں ملوث عناصر کے خلاف بلاامتیاز کارروائی جاری رہے گی اور آئندہ خلاف ورزی پر مزید سخت قانونی کارروائی کی جائے گی۔

تصویر: بشکریہ ڈی جی پی آر بلوچستان