عالمی مجلس تحفظ ختم نبوت گوادر کے وفد کی مولانا ہدایت الرحمٰن سے ملاقات، 3 ستمبر کو سربندن کانفرنس کی دعوت

گوادر: رکنِ صوبائی اسمبلی بلوچستان مولانا ہدایت الرحمٰن بلوچ سے عالمی مجلس تحفظ ختم نبوت گوادر کے وفد نے ملاقات کی۔ وفد میں مفتی عبدالغنی، مفتی عبداللطیف، مفتی یاسین، مفتی تیمور اور دیگر علمائے کرام شامل تھے۔

ملاقات میں عقیدۂ ختم نبوت کے تحفظ، دینی و دعوتی سرگرمیوں اور آئندہ پروگراموں پر تبادلۂ خیال کیا گیا۔ وفد نے مولانا ہدایت الرحمٰن کو 3 ستمبر کو سربندن میں ہونے والی ختم نبوت کانفرنس میں شرکت کی دعوت دی اور عقیدۂ ختم نبوت سے متعلق خوبصورت خطاطی پر مشتمل پورٹریٹ بطور تحفہ پیش کیا۔

رکن صوبائی اسمبلی نے مجلس کی دینی و دعوتی خدمات کو سراہتے ہوئے کہا کہ عقیدۂ ختم نبوت ہمارے ایمان کا بنیادی حصہ ہے اور اس کے تحفظ کے لیے علمی، دینی اور پرامن جدوجہد قابلِ قدر ہے۔ انہوں نے وفد کی خدمات کے لیے نیک خواہشات کا اظہار کیا۔

تصویر: بشکریہ ڈی جی پی آر بلوچستان