صوابی: شہید ایف سی سپاہی فضل اللہ کو پورے سرکاری اعزاز کے ساتھ سپرد خاک کر دیا گیا

صوابی: پاک افغان بارڈر کرم سیکٹر اپر کرم میں غوز گڑھی کے مقام پر افغانستان کی سرحد پر فائرنگ کے تبادلے میں دشمن کا بہادری سے مقابلہ کرتے ہوئے شہید ہونے والے ایف سی کے نوجوان سپاہی فضل اللہ کو اتوار کے روز پورے سرکاری اعزاز کے ساتھ سپرد خاک کر دیا گیا۔

انہیں ضلع صوابی کے موضع کالو خان میں آبائی قبرستان میں دفن کیا گیا۔ نماز جنازہ میں پاک فوج کے اعلیٰ حکام، ضلعی انتظامیہ، عمائدین علاقہ اور دوست احباب نے کثیر تعداد میں شرکت کی۔

اس موقع پر پاک فوج کے چاق و چوبند دستے نے شہید کی قبر پر سلامی دی اور گارڈ آف آنر پیش کیا۔