سوراب: اسسٹنٹ کمشنر گدر عبدالجبار بلوچ کا بینظیر انکم سپورٹ دفتر کا اچانک دورہ

سوراب: 11 نومبر 2026 کو ڈپٹی کمشنر سوراب صاحبزادہ نجیب اللہ کی خصوصی ہدایات پر اسسٹنٹ کمشنر گدر عبدالجبار بلوچ نے عوامی شکایات کا نوٹس لیتے ہوئے بینظیر انکم سپورٹ پروگرام (BISP) کے دفتر کا اچانک دورہ کیا۔

دورے کے دوران اسسٹنٹ کمشنر نے دفتر میں موجود خواتین سے ملاقات کی اور ان کے مسائل و مشکلات تفصیل سے سنے۔

عملے کو ہدایات

انہوں نے متعلقہ عملے کو ہدایت کی کہ عوامی امور تیز رفتاری اور ذمہ داری کے ساتھ نمٹائے جائیں اور خواتین کو غیر ضروری انتظار اور بار بار چکر لگانے کی زحمت نہ دی جائے۔

اسسٹنٹ کمشنر نے خصوصی طور پر ہدایت کی کہ دور دراز علاقوں سے آنے والی خواتین کی سفری مشکلات اور مجبوریوں کو مدنظر رکھتے ہوئے ان کے کام ترجیحی بنیادوں پر مکمل کیے جائیں تاکہ انہیں بروقت ریلیف فراہم کیا جا سکے۔

انہوں نے عملے کو عوام کے ساتھ خوش اخلاقی اور تعاون کا مظاہرہ کرنے کی بھی تاکید کی۔