سوراب: اسسٹنٹ کمشنر عبدالجبار بلوچ کی زیرِ صدارت ڈسٹرکٹ ایجوکیشن گروپ کا ماہانہ اجلاس، اساتذہ کی حاضری کا جائزہ

سوراب: حکومت بلوچستان اور ڈپٹی کمشنر سوراب صاحبزادہ نجیب اللہ کی ہدایت پر اسسٹنٹ کمشنر عبدالجبار بلوچ کی زیرِ صدارت ڈسٹرکٹ ایجوکیشن گروپ کا ماہانہ جائزہ اجلاس منعقد ہوا۔

اجلاس میں پرنسپل گورنمنٹ ڈگری کالج سوراب امان اللہ زہری، ڈسٹرکٹ آفیسر ایجوکیشن عبدالحق، سپرنٹنڈنٹ فضل محمد قمبرانی، محکمہ تعلیم کے افسران، آر ٹی ایس ایم، خزانہ افسر، میل و فیمیل ڈی ڈی اوز، ہیڈ ماسٹرز، ہیڈ مسٹریسز اور دیگر حکام نے شرکت کی۔

اجلاس میں ضلع بھر کی تعلیمی صورتحال، اساتذہ کی حاضری، تدریسی معیار، طلبہ کو بنیادی سہولیات کی فراہمی، کلسٹر بجٹ کے استعمال اور غیر حاضری سمیت اہم امور کا جائزہ لیا گیا، اور تعلیمی معیار کی بہتری اور اسکولوں میں نظم و ضبط اور حاضری یقینی بنانے کے اقدامات پر غور کیا گیا۔

تصویر: بشکریہ ڈی جی پی آر بلوچستان