بلوچستان میں غیر رسمی تعلیم کا بڑا منصوبہ: 9 سے 16 سال کے 18 لاکھ بچوں کو دوبارہ تعلیم کا موقع
کوئٹہ: چیف سیکرٹری بلوچستان شکیل قادر خان کی زیرِ صدارت منعقدہ اجلاس میں صوبائی حکومت نے غیر رسمی تعلیم کو وسیع پیمانے پر نافذ کرنے کا فیصلہ کیا ہے۔ اجلاس میں طے پایا کہ 9 تا 16 سال کے 18 لاکھ بچے، جو مختلف وجوہات کی بنا پر رسمی تعلیمی نظام سے محروم رہ گئے، انہیں دوبارہ تعلیم حاصل کرنے کے مواقع فراہم کیے جائیں گے۔
چیف سیکرٹری نے کہا کہ صوبائی حکومت نے اب مرکزی توجہ 9 سے 16 سال عمر کے بچوں کی پڑھائی پر مرکوز کر دی ہے۔ انہوں نے کہا کہ رسمی تعلیم میں حکومتی اقدامات 5 سے 9 سال کے بچوں کے لیے مرکوز تھے، جس کے قابلِ ستائش نتائج سامنے آئے، تاہم اس مرحلے میں 9 تا 16 سال کے بچوں کی تعلیم پر خصوصی توجہ دی جا رہی ہے اور اسی مقصد کے لیے صوبائی حکومت ایک اہم منصوبہ شروع کرنے جا رہی ہے۔
8 ارب روپے، پانچ سالہ منصوبہ
اجلاس کو بتایا گیا کہ یہ منصوبہ محکمہ سماجی بہبود کی زیرِ نگرانی چلایا جائے گا۔ مالی سال 2026-27 میں اسکیم کے لیے کل 8 ارب روپے مختص کیے گئے ہیں اور منصوبہ پانچ سال کی مدت میں مکمل کیا جائے گا۔ پہلے مرحلے میں 2 لاکھ بچوں کو تعلیم دلائی جائے گی۔
منصوبے کے تحت 9 تا 16 سال کے بچوں پر خصوصی توجہ دی جائے گی تاکہ وہ بنیادی خواندگی حاصل کر سکیں اور بعد ازاں باقاعدہ اسکولنگ یا پیشہ ورانہ تربیت تک رسائی حاصل کریں۔
چیف سیکرٹری نے ہدایت دی کہ دو ہفتوں کے اندر منصوبے کا پی سی ون (PC1) تیار کیا جائے تاکہ ستمبر میں اس کا باقاعدہ آغاز ممکن ہو سکے۔ انہوں نے منصوبے کو عوام تک پہنچانے کے لیے ہر ضلع، ہر تحصیل اور ہر گاؤں میں آگاہی مہم چلانے کی بھی ہدایت دی تاکہ اس پروگرام سے فائدہ اٹھانے والے بچے آسانی سے رجسٹر ہو سکیں۔
غیر رسمی تعلیم کا الگ ایکٹ
اجلاس میں اس بات پر زور دیا گیا کہ محروم بچے جب تعلیم حاصل کریں گے تو وہ قومی ترقی میں مؤثر حصہ ڈال سکیں گے، غربت میں کمی آئے گی اور سماجی شمولیت میں اضافہ ہوگا۔
صوبائی محکمہ سماجی بہبود کو ہدایت دی گئی کہ وہ مختص فنڈز کی شفاف تقسیم، تربیت یافتہ اساتذہ کی فراہمی، مقامی زبانوں سمیت نصاب کی مطابقت اور ڈیٹا بیس کی تیاری پر فوری کام شروع کرے۔ اجلاس میں غیر رسمی تعلیم کا اپنا ایکٹ بنانے پر بھی اتفاق کیا گیا۔
اس موقع پر ایڈیشنل چیف سیکرٹری ترقیات ذاہد سلیم، سیکرٹری ایس اینڈ جی اے ڈی سید فیصل احمد، سیکرٹری سماجی بہبود عصمت اللہ قریش، سیکرٹری سکولز لعل جان جعفر اور دیگر بھی موجود تھے۔
تصویر: بشکریہ ڈی جی پی آر بلوچستان
مزید پڑھیں: بلوچستان
بلوچستان اسمبلی: سردار نظام کے خاتمے اور نواب، سردار کے الفاظ پر پابندی کی قرارداد آج پیش ہوگی
کوئٹہ: ڈپٹی کمشنر مہراللہ بادینی کا کلی شابو میں ادارہ برائے خصوصی بچوں کا دورہ
گوادر: چیئرمین میونسپل کارپوریشن ماجد جوہر کی ہدایت پر دیمی ذر لنک روڈ پر ڈرینج کی صفائی
کوئٹہ: چیف سیکرٹری شکیل قادر خان کی زیرصدارت انسداد پولیو ٹاسک فورس کا اجلاس، ماحولیاتی نمونے منفی
گوادر: ایڈیشنل ڈپٹی کمشنر ڈاکٹر عبدالشکور کی زیرصدارت ڈسٹرکٹ ہیلتھ کمیٹی کا اجلاس، غیر حاضر عملے کے خلاف کارروائی پر غور
صوبائی وزیر مواصلات میر سلیم کھوسہ کی زیرصدارت وفاقی منصوبوں پر جائزہ اجلاس، بروقت تکمیل کی ہدایت
برشور: ڈپٹی کمشنر خالد شمس کی زیرصدارت ڈسٹرکٹ ایجوکیشن گروپ کا اجلاس، اساتذہ کی غیر حاضری پر سخت کارروائی کا انتباہ
پسنی: گرلز ہائی اسکول ببر شور کی دہم جماعت کی طالبات کا گوادر کا مطالعاتی دورہ، اسسٹنٹ کمشنر کے تعاون کو سراہا
دکی: ڈپٹی کمشنر فضل الرحمن کبدانی کی زیرصدارت ڈسٹرکٹ ہیلتھ کمیٹی کا اجلاس، طبی عملے کی غفلت پر سخت کارروائی کی ہدایت
دکی: ڈپٹی کمشنر فضل الرحمن کبدانی کی زیرصدارت ڈسٹرکٹ ایجوکیشن گروپ کا اجلاس، اساتذہ کی حاضری یقینی بنانے کی ہدایت
کوئٹہ: ایڈیشنل ڈپٹی کمشنر محمد انور کاکڑ کی زیرِ صدارت ڈسٹرکٹ ایجوکیشن گروپ کا اجلاس، اساتذہ کی حاضری یقینی بنانے کی ہدایت
