ایران زخمی جانور کی طرح آخری وقت میں ہے، امریکی وزیر خزانہ کا دعویٰ

اسکاٹ بیسنٹ نے دعویٰ کیا کہ ایران اپنے میزائلوں کا ذخیرہ دوبارہ بنانے کی کوشش کر رہا ہے، تاہم امریکا نے ایران کی 85 فیصد میزائل فیکٹریاں تباہ کردی ہیں۔

امریکی وزیر خزانہ کے مطابق ایران تباہ ہونے والی میزائل فیکٹریوں کو دوبارہ تعمیر کر رہا ہے۔

انہوں نے میڈیا پر بھی تنقید کرتے ہوئے کہا کہ ایرانی دعووں کو نمایاں کرکے میڈیا ایران کو اپنا مؤقف پیش کرنے کا موقع دے رہا ہے۔

اسکاٹ بیسنٹ نے کہا کہ ایران کی قیادت صرف دعوے اور دھمکیاں دے رہی ہے، یہ لوگ امریکا کے لیے مضحکہ خیز ہیں۔

امریکی وزیر خزانہ نے ایران کی موجودہ صورتحال کو ایک زخمی جانور سے تشبیہ دیتے ہوئے دعویٰ کیا کہ ایرانی حکومت اپنے آخری وقت میں ہے اور یہ مرتے ہوئے نظام کی آخری کوشش ہے۔