12 ربیع الاول: ڈپٹی کمشنر کوئٹہ مہراللہ بادینی کی زیرِ صدارت جلوسوں کے سکیورٹی انتظامات کا جائزہ اجلاس

کوئٹہ: ڈپٹی کمشنر کوئٹہ مہراللہ بادینی کی زیرِ صدارت 12 ربیع الاوّل عید میلادالنبی ﷺ کے موقع پر جلوسوں اور دیگر مذہبی پروگراموں کے سکیورٹی و انتظامی انتظامات کا جائزہ لینے کے لیے اجلاس منعقد ہوا۔

اجلاس میں جلوسوں کے لیے جامع سکیورٹی پلان، جلوسوں کے روٹس پر سکیورٹی انتظامات اور دیگر ضروری اقدامات کا تفصیلی جائزہ لیا گیا۔ ڈپٹی کمشنر نے متعلقہ اداروں کو ہدایت کی کہ جلوسوں کے دوران سکیورٹی کے فول پروف انتظامات یقینی بنائے جائیں۔

جلوسوں کے منتظمین اور میلاد النبی ﷺ کے نمائندوں کو ہدایت کی گئی کہ پروگرامز اور مجالس مقررہ اوقات میں بروقت مکمل کیے جائیں تاکہ سکیورٹی اور ٹریفک کے انتظامات میں کوئی دشواری پیش نہ آئے۔ اجلاس میں پولیس افسران، میلاد النبی ﷺ کے نمائندوں اور دیگر متعلقہ حکام نے شرکت کی اور امن و امان اور سکیورٹی کے مؤثر انتظامات یقینی بنانے کے عزم کا اظہار کیا۔

تصویر: بشکریہ ڈی جی پی آر بلوچستان