بارکھان: ڈی ای او بہادر شاہ کا گدائی رکھنی گرلز ہائی سکول کا دورہ، طالبات میں اسٹیشنری تقسیم

بارکھان/رکھنی: ڈسٹرکٹ ایجوکیشن آفیسر بارکھان بہادر شاہ نے گورنمنٹ گرلز ہائی اسکول گدائی رکھنی کا دورہ کیا اور طالبات میں کاپیاں، پنسلیں اور دیگر ضروری اسٹیشنری تقسیم کی۔

انہوں نے طالبات کی حوصلہ افزائی کرتے ہوئے کہا کہ وہ تعلیم پر بھرپور توجہ دیں اور محنت و لگن سے اپنا تعلیمی سفر جاری رکھیں۔

ڈی ای او بارکھان نے ہیڈ مسٹریس سحر مبین کے اقدام کو سراہتے ہوئے کہا کہ بجٹ لیپس ہونے کے باوجود اپنی مدد آپ کے تحت طالبات کے لیے اسٹیشنری کا انتظام کرنا ان کے مخلصانہ جذبے، احساس ذمہ داری اور تعلیم سے محبت کا عملی ثبوت ہے۔

ہم سب کو تعلیم کی بہتری کے لیے اسی جذبے سے اپنا کردار ادا کرنا چاہیے۔

تصویر: بشکریہ ڈی جی پی آر بلوچستان