فیلڈ مارشل عاصم منیر آج تہران جائیں گے، ایرانی میڈیا کا دعویٰ
اسلام آباد: ایرانی ذرائع ابلاغ کے مطابق چیف آف ڈیفنس فورسز اور چیف آف آرمی اسٹاف فیلڈ مارشل سید عاصم منیر منگل کو ایران کا دورہ کریں گے، جس میں تہران اور واشنگٹن کے درمیان اسلام آباد کی ثالثی کوششوں پر بات ہوگی۔
ایکسپریس ٹریبیون نے ایرانی خبر رساں ادارے تسنیم کے حوالے سے بتایا کہ فیلڈ مارشل ایرانی حکام سے ایران اور امریکا کے تنازع کے حل کی سفارتی کوششوں اور خطے کی مجموعی صورتحال پر گفتگو کریں گے۔
رپورٹ کے مطابق تنازع کے دوران پاکستان نے دونوں فریقوں سے قریبی رابطہ رکھتے ہوئے مرکزی ثالث کا کردار ادا کیا۔ جون میں امریکا اور ایران نے اسلام آباد مفاہمتی یادداشت پر دستخط کیے، جس سے حتمی معاہدے کے لیے مذاکرات کا فریم ورک طے ہوا۔ بعد ازاں سکیورٹی ضمانتوں اور آبنائے ہرمز میں جہاز رانی کی آزادی پر اختلافات کے باعث بات چیت ٹوٹ گئی۔
ادھر فارس نیوز ایجنسی کے مطابق ایرانی پاسداران انقلاب نے منگل کی صبح آبنائے ہرمز کے اوپر امریکی ڈرون ایم کیو نائن مار گرانے کا دعویٰ کیا۔ پاسداران کے بقول یہ اس نوعیت کا 54واں امریکی ڈرون تھا۔
پیر کو پاسداران کے ترجمان حسین محبی نے تہران کے سیکرڈ ڈیفنس میوزیم میں تقریب سے خطاب کرتے ہوئے کہا کہ آبنائے ہرمز کے نیچے سات بڑی انٹرنیٹ کیبلز گزرتی ہیں اور نئے اہداف اور نئے ہتھیار سامنے لائے جائیں گے۔ سرکاری نشریاتی ادارے آئی آر آئی بی نے یہ بات رپورٹ کی۔
ایکسپریس ٹریبیون کے مطابق ایکسیوس نے دو ذرائع کے حوالے سے بتایا کہ امریکی وزیر دفاع پیٹ ہیگسیتھ نے پیر کو اسرائیل کے غیر اعلانیہ دورے میں وزیراعظم نیتن یاہو سے ملاقات کی۔ رائٹرز اس ملاقات کی فوری تصدیق نہ کر سکا، تاہم ہیگسیتھ نے سوشل میڈیا پوسٹ میں سینٹ کام کے علاقے میں امریکی اہلکاروں سے ملنے کا ذکر کیا۔
مزید پڑھیں: پاکستان
اسحاق ڈار تاجکستان کا دورہ مکمل کر کے وطن واپس، دفتر خارجہ نے دورہ دوشنبے انتہائی مفید قرار دیا
حکومت نے مذاکرات میں مایوس کیا، دہشت گردی کے خلاف جنگ متاثر نہیں ہونی چاہیے: بیرسٹر گوہر
افواج پاکستان ہماری ریڈ لائن، مولانا فضل الرحمان کی تنقید بلاجواز ہے: کھیل داس کوہستانی
پاکستان میں 100 ارب ڈالر کی برآمدات حاصل کرنے کی صلاحیت موجود ہے: احسن اقبال
بیرسٹر گوہر: اچکزئی کو ہٹانے کا امکان نہیں، فضل الرحمان کو قائد حزب اختلاف بنانے پر بات نہیں ہوئی
وزیراعظم شہباز شریف سے مصطفیٰ کمال کی ملاقات، وفاقی ہسپتالوں میں سہولیات بہتر بنانے کی ہدایت
مولانا فضل الرحمن نے خیبرپختونخوا میں گورنر راج مسترد کر دیا، دہشت گردی پر پارلیمنٹ کے ان کیمرہ اجلاس کا مطالبہ
دہشت گردی کے خلاف بلوچستان حکومت تعاون کر رہی ہے جبکہ وزیراعلیٰ کے پی نے انکار کیا تھا: رانا ثنا اللہ
نادرا کے 100 سے زائد ملازمین پر فوجداری مقدمات، شجرہ نسب جانچ کی دو مہمات چلائی گئیں: طلال چوہدری
شنگھائی تعاون تنظیم پائیدار اقتصادی نمو میں قائدانہ کردار ادا کر سکتی ہے: اسحاق ڈار کا دوشنبے میں خطاب
دہشت گردی کے خاتمے کے لیے اپوزیشن مذاکرات کرے، ریاست پر سیاست کو ترجیح نہیں دے سکتے: طارق فضل چوہدری
