گورنر راج کا فیصلہ پہلے ہو چکا تھا، مذاکرات دکھاوا تھے: اسد قیصر

اسلام آباد: پی ٹی آئی کے سینئر رہنما اسد قیصر نے حکومت کی جانب سے کیے گئے مذاکرات کو دکھاوا قرار دیا ہے۔

ایک ٹی وی پروگرام میں گفتگو کرتے ہوئے انہوں نے دعویٰ کیا کہ گورنر راج اور ایمرجنسی کا فیصلہ بہت پہلے ہو چکا تھا، جبکہ مذاکرات صرف دکھاوے کے لیے کیے گئے۔

اسد قیصر نے کہا کہ لانگ مارچ سے متعلق فیکٹ فائنڈنگ کمیٹی بنانے پر غور ہو رہا ہے۔

ان کے مطابق کور کمیٹی اجلاس میں سلمان اکرم راجا نے سہیل آفریدی کو ناکامی کا ذمہ دار نہیں ٹھہرایا۔ انہوں نے کہا کہ سوشل میڈیا پر جو باتیں سامنے آتی ہیں، ان میں کوئی حقیقت نہیں ہوتی۔

انہوں نے مزید بتایا کہ علی امین گنڈاپور بھی کور کمیٹی کے اجلاس میں موجود تھے۔