نصیرآباد: محکمہ صحت کی آسامیوں کے لیے انٹرویوز کا تیسرا روز، ڈپٹی کمشنر وریندر لعل کی صدارت

نصیرآباد: ضلع نصیرآباد میں بے روزگاری کے خاتمے اور سرکاری آسامیوں پر میرٹ، شفافیت اور اہلیت کی بنیاد پر امیدواروں کے انتخاب کا عمل جاری ہے۔ اس سلسلے میں تیسرے روز بھی محکمہ صحت کی مختلف آسامیوں کے لیے انٹرویوز منعقد ہوئے جن کی صدارت چیئرمین سلیکشن کمیٹی و ڈپٹی کمشنر نصیرآباد وریندر لعل نے کی۔

انٹرویوز میں محکمہ صحت میں نائب قاصد، چوکیدار اور ڈرائیور کی آسامیوں کے امیدواروں کی تعلیمی قابلیت، تجربے، دستاویزات اور اہلیت کا جائزہ لیا گیا۔ سلیکشن کمیٹی کے اراکین نے امیدواروں سے مختلف سوالات کیے اور مقررہ معیار کے مطابق ان کی صلاحیتوں کو جانچا۔

وریندر لعل نے کہا کہ تمام امیدواروں کو یکساں مواقع فراہم کیے جا رہے ہیں اور بھرتیوں میں میرٹ، شفافیت اور قواعد و ضوابط کو ہر صورت یقینی بنایا جائے گا۔ کسی امیدوار کے ساتھ ناانصافی یا امتیازی سلوک نہیں ہوگا اور اہل امیدواروں کا انتخاب مقررہ میرٹ اور ضابطہ کار کے مطابق ہوگا۔

انہوں نے سلیکشن کمیٹی کو ہدایت کی کہ انٹرویوز کا عمل غیر جانبدارانہ اور شفاف انداز میں مکمل کیا جائے تاکہ اہل امیدواروں کو ان کا جائز حق مل سکے۔ اس موقع پر سلیکشن کمیٹی کے اراکین اور محکمہ صحت کے افسران موجود تھے جبکہ امیدواروں کی بڑی تعداد نے شرکت کی۔

تصویر: بشکریہ ڈی جی پی آر بلوچستان