گوادر میں رجسٹرڈ کاشتکاروں میں بینظیر کسان کارڈ کی تقسیم اور بائیومیٹرک تصدیق کا عمل جاری

گوادر: ڈپٹی ڈائریکٹر زراعت توسیع گوادر مقبول احمد بلوچ نے کہا ہے کہ ضلع گوادر میں محکمہ زراعت کے زیرِ اہتمام رجسٹرڈ کاشتکاروں میں بینظیر کسان کارڈ کی تقسیم اور بائیومیٹرک تصدیق کا عمل جاری ہے۔

ان کا کہنا تھا کہ محکمہ زراعت میں پہلے سے رجسٹرڈ کاشتکاروں کو کسان کارڈ کے حصول کے لیے فون کال کے ذریعے اطلاع دی جا رہی ہے، جبکہ بائیومیٹرک تصدیق کا پیغام موصول ہونے والے کاشتکار ضلع گوادر میں مقررہ HBL Konnect کی مجاز فرنچائزز سے اپنی تصدیق مکمل کروائیں۔

ڈپٹی ڈائریکٹر زراعت نے تمام رجسٹرڈ کاشتکاروں سے اپیل کی کہ وہ ضروری دستاویزات کے ہمراہ مقررہ طریقہ کار کے مطابق اپنی بائیومیٹرک تصدیق جلد مکمل کریں تاکہ بینظیر کسان کارڈ کی سہولیات اور حکومتی زرعی معاونت سے بروقت مستفید ہو سکیں۔

تصویر: بشکریہ ڈی جی پی آر بلوچستان