کمشنر مکران ڈاکٹر طفیل احمد بلوچ کا تربت میں زیر تعمیر کمشنر آفس کمپلیکس کا معائنہ

تربت: کمشنر مکران ڈویژن ڈاکٹر طفیل احمد بلوچ اور ڈپٹی کمشنر کیچ یاسر اقبال دشتی نے تربت میں زیرِ تعمیر نئے کمشنر مکران آفس کمپلیکس کا دورہ کیا اور جاری تعمیراتی کام کا تفصیلی معائنہ کیا۔

کمشنر مکران نے کمپلیکس کے مختلف حصوں میں تعمیراتی کام کے معیار، پیش رفت اور دیگر امور کا جائزہ لیا اور متعلقہ حکام کو ہدایت کی کہ کام مقررہ معیار کے مطابق مکمل کیا جائے اور منصوبے کی بروقت تکمیل یقینی بنائی جائے۔

نیا کمشنر مکران آفس کمپلیکس ڈسٹرکٹ کونسل آفس کے احاطے میں تعمیر کیا جا رہا ہے اور اس کے تعمیراتی کام کی نگرانی اربن پلاننگ ڈیپارٹمنٹ کر رہا ہے۔ نئے کمپلیکس میں کمشنر آفس کے افسران و ملازمین کے لیے تمام ضروری سہولیات فراہم کی جائیں گی جس سے دفتری امور کی انجام دہی میں بہتری آئے گی۔ دورے کے موقع پر کمشنر مکران کے پی ایس ناصر حسن بھی موجود تھے۔

تصویر: بشکریہ ڈی جی پی آر بلوچستان