چیئرمین بلوچستان ریونیو اتھارٹی عبداللہ خان کا گوادر پورٹ کا دورہ، فعالیت اور تجارتی امکانات پر بریفنگ

گوادر: چیئرمین بلوچستان ریونیو اتھارٹی (BRA) عبداللہ خان نے گوادر پورٹ اتھارٹی کا دورہ کیا، جہاں انہیں گوادر پورٹ کی فعالیت، آپریشنل ترقی اور تجارتی و معاشی سرگرمیوں کے فروغ کے امکانات پر تفصیلی بریفنگ دی گئی۔

ڈائریکٹر گوادر پورٹ اتھارٹی منیر احمد بنّا نے چیئرمین بی آر اے کو گوادر پورٹ کی موجودہ آپریشنل صورتحال، بندرگاہ کی فعالیت میں پیش رفت اور مستقبل میں تجارتی سرگرمیوں کے فروغ سے متعلق تفصیلی پریزنٹیشن دی۔

ملاقات میں بلوچستان ریونیو اتھارٹی اور گوادر پورٹ اتھارٹی کے درمیان باہمی رابطہ کاری اور ادارہ جاتی تعاون کے مختلف پہلوؤں کا جائزہ لیا گیا، اور اس امر پر زور دیا گیا کہ تجارتی سرگرمیوں کو سہولت فراہم کرنے، اداروں کے درمیان مؤثر رابطہ کاری مضبوط بنانے اور گوادر کی وسیع تر معاشی استعداد سے استفادہ کرنے کے لیے باہمی تعاون کو فروغ دیا جائے۔

ملاقات میں گوادر پورٹ کی تجارتی و اقتصادی اہمیت، کاروباری سرگرمیوں کے فروغ اور متعلقہ اداروں کے درمیان بہتر رابطہ کاری کے ذریعے معاشی مواقع کو مزید وسعت دینے سے متعلق امور پر بھی تبادلہ خیال کیا گیا۔

تصویر: بشکریہ ڈی جی پی آر بلوچستان