پشین اسٹاپ دھماکے کے نقصانات: کوئٹہ ڈسٹرکٹ کمپنسیشن کمیٹی کا معاوضوں کے لیے جائزہ اجلاس

کوئٹہ: ڈسٹرکٹ کمپنسیشن کمیٹی کا جائزہ اجلاس ایڈیشنل ڈپٹی کمشنر (جنرل) محمد انور کاکڑ کی زیرِ صدارت منعقد ہوا، جس میں سی ٹی ڈی، محکمہ مواصلات و تعمیرات (C&W)، سول ہسپتال، بی ایم سی ہسپتال، ایم ای ڈی، میونسپل کارپوریشن اور دیگر متعلقہ محکموں کے نمائندوں نے شرکت کی۔

اجلاس میں حالیہ پشین اسٹاپ دھماکے کے نتیجے میں ہونے والے نقصانات کا تفصیلی جائزہ لیا گیا اور متاثرہ عمارتوں، گاڑیوں، چوہٹی موٹر کار سمیت دیگر املاک کو پہنچنے والے نقصانات کا تجزیہ کیا گیا۔ متعلقہ محکموں نے نقصانات کی تفصیلات اور جائزہ رپورٹس پیش کیں، جبکہ نقصانات کے تخمینے اور معاوضے سے متعلق امور پر بھی غور کیا گیا۔

محمد انور کاکڑ نے افسران کو ہدایت کی کہ نقصانات کے جائزے اور تفصیلات کی تکمیل میں شفافیت اور درستگی یقینی بنائی جائے تاکہ متاثرین کو معاوضے کی فراہمی کا عمل بروقت مکمل کیا جا سکے۔

تصویر: بشکریہ ڈی جی پی آر بلوچستان