وزیراعلیٰ اور اسپیکر کی ہدایت پر چمن میں صفائی و شجرکاری مہم، بوائز ماڈل ہائر سیکنڈری اسکول میں طلبہ شریک

چمن: وزیراعلیٰ بلوچستان میر سرفراز بگٹی اور اسپیکر بلوچستان اسمبلی کیپٹن (ر) عبدالخالق اچکزئی کی ہدایات کی روشنی میں ڈپٹی کمشنر چمن حبیب احمد بنگلزئی کی زیر نگرانی چمن شہر اور گردونواح میں صفائی ستھرائی کے ساتھ تعلیمی اداروں میں بھی خصوصی صفائی، تزئین و آرائش اور شجرکاری مہم شروع کر دی گئی ہے۔

اسی سلسلے میں گورنمنٹ بوائز ماڈل ہائر سیکنڈری اسکول چمن میں طلبہ اور اسکول انتظامیہ نے صفائی ستھرائی، اسکول کی خوبصورتی اور تزئین و آرائش کی خصوصی مہم میں بھرپور حصہ لیا، جبکہ سرسبز اور صاف تعلیمی ماحول کے فروغ کے لیے مختلف مقامات پر پودے بھی لگائے گئے۔

مہم کا مقصد طلبہ میں صفائی، شجرکاری، ماحولیاتی تحفظ اور اجتماعی ذمہ داری کا شعور اجاگر کرنا اور ایک صحت مند، صاف ستھرے اور سرسبز معاشرے کی تشکیل میں عوام اور طلبہ کی شمولیت کو فروغ دینا ہے۔

تصویر: بشکریہ ڈی جی پی آر بلوچستان