سول ویٹرنری ہسپتال گوادر میں بکری کے تھن کی کامیاب سرجری، مالدار کا عملے کو خراجِ تحسین

گوادر: ڈسٹرکٹ لائیو اسٹاک آفیسر ڈاکٹر صابر علی بلوچ نے کہا ہے کہ محکمہ امورِ حیوانات مویشی پال حضرات کو بروقت طبی سہولیات کی فراہمی اور مویشیوں کی صحت کے تحفظ کے لیے سرگرم عمل ہے۔

اس سلسلے میں سول ویٹرنری ہسپتال گوادر میں ایک بکری کے تھن کی کامیاب سرجری کی گئی، جس پر مالدار نے ہسپتال انتظامیہ اور ویٹرنری عملے کی خدمات کو سراہتے ہوئے ان کا شکریہ ادا کیا۔

ڈاکٹر صابر علی بلوچ نے کہا کہ مویشیوں کو بروقت علاج معالجے کی سہولیات فراہم کرنا محکمے کی ترجیحات میں شامل ہے، اور محکمہ مالداروں کی معاونت، مویشیوں کی بہتر نگہداشت اور لائیو اسٹاک کے شعبے کی ترقی کے لیے خدمات جاری رکھے ہوئے ہے۔ ان کا کہنا تھا کہ محکمہ امورِ حیوانات گوادر کے مالداروں کو دستیاب وسائل کے مطابق ویٹرنری سہولیات فراہم کرنے اور مویشیوں کی صحت کے تحفظ کے لیے ہر ممکن اقدامات کر رہا ہے۔

تصویر: بشکریہ ڈی جی پی آر بلوچستان